علي مدار الايام الماضية استطاعت نشطاء (يعني ناس مع اسلحة) من حركة حماس اقتحام الحدود المصرية وفتح ثغرة في الحدود (طيب معملوش كده ليه في الجدار العازل).
ابطال حماس اتطاعوا العبور لمدة 3 ايام بعدها حاولت قوات الامن المصرية تنظيم عملية العبور ولكن النشطاء (مرة تانية ) استطاعوا باستخدام الجرافات (البلدوزرات) انهم يفتحوا 5 ثغرات في الحدود المصرية ليعاودا التدفق مرة اخري اي سيناء لشراء احتياجاتهم من العريش ورفح المصرية .
الرئيس المصري حسني مبارك قال اركب الموجوه واعمل بنط جدعنه مع الفلسطينين والعرب وادي وش كده للامريكان واسرائيل واسمح يا عم ان الناس تعدي وكم تصرريح كده اني مش هسمح بتجويع الشعب الفلسطيني (مع ان المصريين جعانيين ) واه يعمل اي منظر سياسي عل الساحة علشان السياسة الخارجية المصرية ميته من كذا سنه (الببقاء لله ) .
الاخوة في الدول العربية ولا اكن الموضوع يعنيهم بشئ واقصي الطموحات اننا نلم شوية تبرعات للمحاصرين (مع ان معاهم فلوس كتير جدا نزلو اشتروا ثلاجات وسجاير وملابس واي حاجة تقع عليها ايدهم )مش مجرد عيش واكل .
الخلاصة .
1- ان حماس تقتحم الحدود ويعملوا نفسهم رجاله علي شوية عساكر امن مركزي ده عيب جدا.
2- ان حماس تقعد تضرب بمب (صواريخ ) اخرها تعمل حفرة 5 سم في الارض وتسبب الحصار لكل اهل غزة شئ عيب .
3- ان فتح وحماس يلطشوا في بعض طول السنه اللي فاتت خناقات علي السلطة بينهم شئ عيب جدا .
4- ان العرب (الخليج ) يقعدوا يلعبوا في البورصة ويرحوا يستثمرا فلوسهم في شراء شركات خارج الدول العربية شئ عيب جدا .
5- ان المصريين يطلعوا مظاهرات علشان حصار غزة ويتقبض 700 من المتظاهريين وفي نفس الوقت الاسعارفي مصر ركبه اسانسير طالع بس مش نازل ولا حد يحس بالمصريين الفقراء شئ عيب جدا .
6- ان الخوة في غزة معندهمش تقريبا اي موارد غير المعونات (التبرعات) وكل الدول العربية والاسلامية مش بتفكر انها تفتحلوهم مصانع وموارد للرزق (ان تعلمني الصيد خير من ان تعطيني سمكة ) في بلدهم شئ عيب جدا جدا .
7- ان حماس تمسك الحكم بالانتخابات امر مجمود وشئ رائع جدا . لكن اي الانتصارات اللي حققتها حماس من وقت ما مسكت الحكم .
8- ان حماس وفتح مش عارفين يتكلموا مع بعض ويعملوا اتفاقية مكة (ايام الحج ) ومفيش حاجة تتنفذ منها وكل شوية يقولوا نتفاوض ومش عارفين يتفقوا طيب هيعملوا اية مع اسرائيل .
9 - ان مصر تفتح معبر رفح لدخول الحجاج الفلسطنيني اللي عملوا فضيحة علشان قعدوا 3 ايام في العريش شئ جميل . بس ان الحجاج والمعتمرين المصريين بيتذلوا ويقعدوا بالاسبوع او 10 ايام في نوبيع ومحدش يعبرهم شئ عيب عيب عيب .
اخر حاجة لازم المصريين يبطلوا شوية المخدرات الاعلامية (القضية الفلسطينية ) ويركزوا في المصايب اللي عندهم ويحولوا يحلوا مشاكلهم الموجودة في التعليم والصحة والبطالة و الحريات السياسة والفساد الاداري .
لازم نصحي يا بشر
