انا بييب سايق بييب ميكرو بييب باص بيييييييييييييييييب

سواقين الميكروباصات
وادب سواقين الميكروباصات
عايزين نعد العادات السيئة لسواقين الميكورباصات
1- بيدوس علي الكلاس اكتر ما بيدوس علي البنزين
2- بيجرب بسرعه جدا علشان يلحق الدور ويفرمل علشان جنيه واقف علي الارض (زبون او راكب بلغة السواقين اللي اجرتهم جنيه )
3- يتبع طريقة اللي مين الفتوة في السواقة .
4- يرج ويهز الناس اللي راكبين (نفس طريقة رج الادوية قبل الاستخدام )
5- الشتيمة اكتر من الكلام
6- مبيلمش الاججرة وعايز واحد من الركاب يلمهاله (اشتغلوا عنده )
7- بعد ما الاجرة بتجيله بيشرب سيجارة .
8- في بعض المناطق يقسم الطريق الي نصفين او 3 حسب الزباين ما يعرف يصحك عليهم .
9- مفيش فكة (علطول ) .
عايز بيقيت اراءكم ومشاكلكم مع الميكروباصات
وازاي نحلها

الوحدة الوطنية

انا بصراحة عندي ارق من كلمة الوحدة الوطنية ؟
مش لقيلها معني .
يا اما نكون في البلد ديه (مصر ام الدنيا ) عايشن مع بعض من غير تفريق او تميز . فكده ملهاش معني علشان احنا عايشين مه بعض .
او اننا عايشين مفرقين علي اساس الدين (مسلم ومسيحي ) او ( صعيدي وفلاح و بدوي وقاهري ونوبي ) وكل فرقة بتطالب بحقوق خاصة بيها لوحدها . فكده احنا اكتر من فئة ومينفعش نكون واحد .
يا ريت الاخوة الموجدين يشرحوها علشان كلنا نستفيد .
ويا ريت نحدد بعد كده هل استخدام الكلمة ديه ليها معني ام اننا ليس في حاجة لاستخدام كلمة الوحدة الوطنية .

DJ

يا ريت موضوع ال D.J (لعنه الله علي تملك الجهلاء للتكنولوجيا )
بقي اي واحد عنده فرح - حنه - تنجيد - ي فرش عروسه - افتتاح دكان - عيد ميلاد - سبوع - طهور اي حاجة (يعمل D.J) في الشارع لغاية الساعة 12 بليل وهاتك يا قرف ودوشة في كل الناس المحيطين بيه .ويولع الشارع علي الناس اللي عايشين فيه (يلا خليهم يفرحوا وباقي الناس تولع ). وهما 50 جنيه تمن تاجير ال D.J وهتقرف الناس طول اليوم .
غير اساس ان عدد الحاضرين في اي يتعدوا علي الصوابع . بس قرف في المنطقة وخلاص
كان زمان في الافراح شوية ستات وبنات يقعدوا يغنوا لغاية ما صوتهم يتنبح (واخر صوتهم ان الاوضة اللي جنبهم تسمع كده طشاش) علشان في اي وضع مفيش اختراع اسمه امبليفير ولا سماعات كام الاف واط تقدر تضيع حسه السمع عند الناس . بس ايه فايدة حسه السمع ومفيش احساس اساس .
يا ريت يا جماعه نبطل شوية نضايق بعض ونخنق بعض بالصوت العالي زيادة عن اللزوم .
انا اتخنقت من ال D.J

عيد الحب ! الرومانسية ..............وندالة البنات

مع اقتراب عيد الحب (الزلانطين داي علي راي بعض الناس )
كل ما افتكر قصص الحب المشهور واللي بتمثل اعلي درجات الرومانسية والتضحيات . بلاقي ان البنات بيعشوا دور الندالة جدا (اسف بس ديه الحقيقة )

الامثلة علشان متبقاش اتهمات وخلاص .
1- فيلم تياتنك (1998) ليوناردو دي كابريو .
اخر مشهد الولد بعد ما ضحي وخلي حبيبته (كيت ونلسن) تقعد علي الخشبة وهو يفضل في المياة المثلجة . لدرجة انه مات من البروده وكان بيشبه الموضوع بانه زي السكاكين اللي بتقطع الجسم .
عملت اية (الحبيبة الرومانسية رمته في الميه - علشان السمك يتعشي ورجعت علي المركب ومنها للسفينة واتجوزت وركبت خيل وسافرت فرنسا ده ظهر في الصور ) وخلفت عيال واحفاد كتير وعاشتحياتها لغاية ما قربت من 100 سنه (منتهي الندالة ) مش كده .

مثال ثاني :-
مجنون ليلي :
قيس بعد ما حب بنت عمه وكتب عنها شوية شعر ابوها اللي هو عمه حلف ما هو متجوزها واتهم الزبون (قيس انه مجنون ) والعيال بقي يجروا وراه في حواري القبيله ويقولة العبيط اهو (طبعا عبيط في حد يحب وحدة سته للدرجة ديه ) المهم ليلي اتجوزت واحد تاني وعاشت حياتها فل الفل وعم قيس مفضلش ليه حاحة غير لقب المجنون (الف مبروك ) . ندله معاه ليلي ولا لا ؟؟؟ منتهي النداله طبعا .

مثال ثالث - (مثال حي واقعي ) :-
تلاقي البنت تقعد مع الولد فترة من الزمن وعايشه الدور المحبة المخلصة المهم تقوم في يوم من ذات الايام جايه تقوله والله يا حبيبي انا اتقدمي عريس (انضف منك 100 مرة عنده شقة ايجار جديد وبيشتغل بياخد 500 جـ في الشهر )
بابا وماما وكلهم موافقين عليه وانا مش هقدر اقولهم لا (يعني يا عم بتقلبك حتي لو رحت تتقدم هتترفض علشان الزبون التاني وانت لسه تلموذ )
بس فتلاقي 99% من قصص (الوهم) اللي بيقال عنه حب واللي بنشوفهم اليومين الجايين من الوان حمرة (كان مصر كلها بقوا مشجعين النادي الاهلي )هيخلص علي حاجة من الثالثه يا اما الولد يموت (ليوناردو دي كابريو ) او يتجنن (قيس ا ابن المجانين ) او يتقلب (الزباين الكتير اللي بيشتروا ورد ودباديب )

عايز اسمع قصص تانية عن رومانسية البنات (الندالة علي اصولها )
او رمانسية الاولاد (الندالة علي طريقة حكاوي اسامة منير والبنات الخنفة اللي بتتصل بيه