يا ريت موضوع ال D.J (لعنه الله علي تملك الجهلاء للتكنولوجيا )
بقي اي واحد عنده فرح - حنه - تنجيد - ي فرش عروسه - افتتاح دكان - عيد ميلاد - سبوع - طهور اي حاجة (يعمل D.J) في الشارع لغاية الساعة 12 بليل وهاتك يا قرف ودوشة في كل الناس المحيطين بيه .ويولع الشارع علي الناس اللي عايشين فيه (يلا خليهم يفرحوا وباقي الناس تولع ). وهما 50 جنيه تمن تاجير ال D.J وهتقرف الناس طول اليوم .
غير اساس ان عدد الحاضرين في اي يتعدوا علي الصوابع . بس قرف في المنطقة وخلاص
كان زمان في الافراح شوية ستات وبنات يقعدوا يغنوا لغاية ما صوتهم يتنبح (واخر صوتهم ان الاوضة اللي جنبهم تسمع كده طشاش) علشان في اي وضع مفيش اختراع اسمه امبليفير ولا سماعات كام الاف واط تقدر تضيع حسه السمع عند الناس . بس ايه فايدة حسه السمع ومفيش احساس اساس .
يا ريت يا جماعه نبطل شوية نضايق بعض ونخنق بعض بالصوت العالي زيادة عن اللزوم .
انا اتخنقت من ال D.J
1 comment:
بعض الاراء من صفحة
http://www.facebook.com/board.php?uid=2259383563#/topic.php?uid=2259383563&topic=7168
اهنيك على التوبيك ده بجد دى حاجه من السلبيات اللى بتحصل فى مجتمعنا اليومين دول
وبقت موضه وللاسف الناس كلها تقولك دى ليله فى العمر
طيب يا جماعه مهو لو كل واحد قال دى ليله فى العمر هيبقى العمر كلوا دى جي وصوت عالى
ومره تانيه اهنيك على التوبيك دهReply to Ahmed
Mark as Irrelevant
Report
Delete Post
Post #3
1 replyهبة احمد replied to your poston February 4, 2009 at 12:15am
فعلا بجد حاجة تخنق
صوته عالي ومزعج جدا
بس في ناس ليها وجهة نظر برده
مثلا حد بيفتتح اي مكان
الصوت العالي دة بيبقا مثار اهتمام الناس للمحل
بيعمل دعاية مثلا
لو في فرح متهيالي الفرح مينفعش غير بيه
كل واحد هتلاقيه وجهة نظر ومقتنع بيها
بس بصراحة هوا في الشارع دوشة جداReply to هبة
Mark as Irrelevant
Report
Delete Post
Post #4Bilal Ghobary wroteon February 4, 2009 at 3:27am
قادتنى ظروفى ان اعيش خارج بلدى الحبيبة مصر كى اقيم فى عدة بلدان خليجية واخيرا استقر فى دبى وبكل الصدق كم اجد ان كل شىء هنا هادىء فلا صوت الى كلاكس او اصوات وصخب الا فى الاندية الليلية التى اقيمت للترفية عن الجنسيات الكثيرة التى تقيم فى دبى وعندما انزل اجازة اجد احيانا اننى فى عالم اخر فمن كثرة الازعاج بالشوارع والطرق والمقاهى والاندية وكان لايستطيع احد ان يعبر عن وجودة الا بارتفاع صوتة او صوت سيارتة بكلاكسات ولاحظت اننا تعودنا فى مصر انة يجب ان نزعج الاخرين كى يبعدوا عن الطريق وان المصريين معروفون بالصوت العالى وكأن الانسان المصرى لايعرف ان يثبت وجودة الا بارتفاع صوتة ثم القسم فلابد ان يحلف بالله وبالقرأن ان هذا حدث اتمنى ان نعرف ان الحياة الهادئة من الممكن ان يتم اصلاح ما افسدة الدهر كلة ونجل كافة مشاكلنا بهدوء وما اروع الهدوء Reply to Bilal
Mark as Irrelevant
Report
Delete Post
Post #5You replied to هبة's poston February 4, 2009 at 10:52am
مش معني ان في ناس عندها وجه نظر انها صحيحة .
بالنسبة للناس عايزين يعملوا دعاية هل لازم يعملوا دوشة علشان يتشهروا .
بالعكس دول بيكتروا اعدائهم .
ثاني حاجة احسن نوع من انواع الدعاية ان المحل ده يعمل شئ مفيد ونافع وليه قيمة مضافة . مش مجرد انه يعمل دوشة وخلاص ويصرف علي الافتتاح مبلغ كبير .
والناس اللي بتعمل كده بلاحظ ان المحل بيشتغل اول شهر كويس بعد كده بيتنسي وحدة وحدة ومحدش يرحله ويقوم صاحب المحل مغير النشاط وعامل افتتاح تاني كبير يقرف بيه الناس.
اما بالنسبة لموضوع الافراح وانها متنفعش الا بال دي جي (تيي شيي ) فهو ينفع طبع الجواز من غير الدي جي حلال حلال حلال .
1- الماوذون هيوافق انه يكتب الكتاب .
2- العريس مش هيحلف طلاق (زي اللمبي ) لو الد جي ماشتغلش في الشارع ولو ما شغلش اغنية سعد الصغير النهاردة فرحي يا جدعان .
3- العروسة مش هتقول (انا ممكن اعنس ومتجوزش بس الدي جي لازم يشتغل ).
حركة الكون مش هتتاثر لو الناس اتجوزت في هدوء من غير ما يققرفوا الناس اللي حواليهم . 4 او 5 ايام
ويوم التنجيد
ويوم الحنه
يوم نقل العفش
ويوم الفرح
كل ده علشان وحدة تتجوز ()
ديه عادة قبيحه جدا لازم تتغير لو عايزين نعيش كويس في هدوء . Reply to Your Post
Delete Post
Post #6You wroteon February 4, 2009 at 11:14am
شكرا يا هبه ويا احمد ويا استاذ بلال .
بالنسبة للهدوء بره انا بفتكر ان البلاد اللي سافرتها تققريبا مش بيستعملوا الكلاكاسات في العربيات .واني لما بانزل مثلا وانا سايق بقعد بالكذا يوم ماتسعملش الكلاكس فاخف يكون باظ اديلي كده كلاكس ولا حاجة .
هنا في مصر الكلاكس زي النزين ولو شيلت ايدك من الكلاكس العربية هتقف.
لكن مشكلة ان الشارع ملهوش احترام ومفيش مراعاة ان اي حد مريض او عايز ينام او عايز يشتغل او مش عايز يسمع (الصوت المقرف او حتي الحلو ) لان ديه حاجة ترجعله هو مش الناس لان ده تعدي صارخ علي حرية الاخرين في الحياة .
انا فعلا زهقان وقرفان (اخر حاجة علشان موضة الكلام ) جدا من الموضوع ال دي جي والناس اللي بتشغله في الشارع ويا ريت كلنا نبطل .
انا فعلا كذا مرة افكر اني اسيب مصر علشان فعلا مش عراف اعيش بهدوء (بس للاسف بحب البلد ديه وعايز ولدي يتربوا هنا )Reply to Your Post
Delete Post
Post #7
1 replyAsmaa Badr wroteon February 4, 2009 at 12:41pm
والله ياجماعه انتو اخدتو الموضوع من ع طرف لسانى
انا لسه كنت بتناقش فى الموضوع ده اول امبارح
وحلمت لو ابقى مسؤل عن التصاريح مش هوافق لحد خالص
لانا ولا غيرى
وهمنع الكلاكسات كمان من العربيه
بس فى بقى مشكله
ان لو فى عزى الناس بتقول عادى
لكن لو اغانى يقولوا لا
مع ان الاعترض ع الصوت العالى
مش ع الماده المقدمه
معلشى بقى طولت عليكو
وبجد نفسى نوصل لحل
!!!!!!!!!!!!!!!!!!!!
Reply to Asmaa
Mark as Irrelevant
Report
Delete Post
Post #8Maha Samir wroteon February 4, 2009 at 12:48pm
too right
we hope people all around listen and feel how bad we feel when they start doin this
and eslam and all other religions forbid us from hurting others so plz lets all think about all people around us and stop being selfish
l
Reply to Maha
Mark as Irrelevant
Report
Delete Post
Post #9You replied to Asmaa's poston February 4, 2009 at 1:31pm
الموضوع موضوعك يا اسماء وموضعنا كلنا لان الجميع متاذي جامد جدا منه
والاعتراض طبعا علي الصوت العالي مش علي المادة والذوق العام والخاص ملناش دعوة بيهم خالص
بس الفكرة اننا مش مضطرين او مجبرين نسمع الاصوات ديه بغض النظر بتقول اية
لانها اعتداء علي سمعنا وعلي ودنا
احنا العادات السلبية اللي موجودة في المجتمع في الوقت الحالي لا تعد
بس اعتقد ان العملية واحدة واحدة ممكن تتصلح .
المشكلة يا استاذة مها اننا في التربية حاليا سواء في الجامع او المدارس مبقيناش نتكلم علي السلوكيات السلبية الموجودة في الشارع وازاي نقومها .
والحمد لله الدولة ملهاش دعوة بالموضوع (هما شعب يتصافوا مع بعضهم )
انا حاسس ان معظم الشعب المصري عايزين يتربوا من اول وجديد Reply to Your Post
Delete Post
Post #10Shimaa Afifi wroteon February 4, 2009 at 2:19pm
فعلا و الله كلام صح
محدش بقى يعمل حساب لجاره خلاص
كل واحد بيفكر فى نفسه وخلاص
مع ان ده خلط جدا و مش من اخلاق المسلم
قال رسول الله ص {لا يدخل الجنة رجل لا يأمن جاره بوائقه
و احنا خلاص نسينا الكلام ده زى ما يكون موضه قديمه و خلصت
كمان مفيش اهتمام من رجال الشرطه المحترمين
يعنى لو حصل و بلغت لانك متضرر من الصوت العالى ولا هيسألوا فيك
طالما مش جريمه قتل خلاص بلاش هيافه و ازعاج للسلطاتReply to Shimaa
Mark as Irrelevant
Report
Delete Post
Post #11Asmaa Badr wroteon February 4, 2009 at 4:33pm
المشكله كمان ان حتى الصح
الناس مش سيباه فى حاله
بيتريقوا عليه
زى ما يكون الصح دلوقتى هو اللى غلط يبقى موجود
بس انا شايفه ان لو بقينا كتير ممكن نعمل حاجه
كل واحد وسط اسرته
فى مجال عمله
فى منطقته
اهو ممكن نبدا التغيير
ابدأ بنفسك اولاReply to Asmaa
Mark as Irrelevant
Report
Delete Post
Post #12You wroteon February 5, 2009 at 10:13am
في فيلم الاسد الملك
سمبا لما رجع تاني البلد
وقف جنب تيمون وبومبا ونالا
فتيمون قال هي ديه البلد اللي جاي تحرب عمك علشانها
انا مش شايف قدامي الا خرابة .
سمبا رد عليه بجملة قوية جدا
" ديه بلدي ومن غيري هيغيرها "
" ديه بلدي ومن غيري هيغيرها "
هو ده وضع بلدنا دلوقتي Reply to Your Post
Delete Post
Post #13بنت مصر wroteon February 5, 2009 at 1:15pm
والله يا جماعه عندكو حق
يعني اكتر من مره يكون عندي امتحان ومعرفش اذاكر بسبب الصوت العالي
وحتي لو مفيش امتحانات
فين حقي كانسانه
اني مسمعش حاجه غصب عني
ايا كان ذوقها
بس ياريت لو حد عنده حل عملي يقول
Reply to بنت
Mark as Irrelevant
Report
Delete Post
Post #14You wroteon February 5, 2009 at 5:13pm
الحل في الاتي
1- العمل علي تغيير المفاهيم والعادات السيئة في المجتمع (البيت - الاخوات - العائلة - الجيران ) اللي عايشين فيه .
2- ايجاد وسائل بديلة للتعبير واظهار الفرحة بدون العمل علي مضايقة الاخرين
3- مقاطعه جميع الاحتفالات في الشوارع .
4- تبليغ الشرطة عن اي DJ في الشارع لاي سبب كان . علشان الشرطة تعمل اللي عليها . امال احنا بندفع ضرايب ليه . اتاوة يعني . ولا الشرطة همهم الوحيد تامين مواكب الريس والوزراء ومحدش يتكلم في السياسة وخلاص
(انا كنت مسافر وعايز اركب ستارة عندي في البيت - العامل لما اتصلت بيه يجيلي الساعه 8 مساء مرضيش علشان ده بيت وفي سكان مينفعش يزعجهم بالليل بصوت الشنيور -مش هتاخد 5 دقائق - وبلد احنا بنقول عليهم متخلفين )
5- العمل علي اصدار تراخيص للافراح واصحاب ال DJ مش يعني اي واحد يشتري سماعتين وينزل الكمبيوتر بتاعه يعمل دوشة وقرف للناس اللي في المنطقة .
6- نكبر الدعوة لمقاطعه دي جي الشوارع وياريت لو الناس اللي ليها صوت سواء في المساجد (المشايخ والعلماء ) او الكنائس (الوعاز والقساوسه) او المدارس والجامعات (المدرسين والدكاترة ) او في التلفزيون والصحافة (المذعيين والصحفيين )
بحيث نناهض كلنا الموضوع ده ، واحنا فعلا هنحس بتاثير المقاطعه ديه علي حيتنا كلنا (بالذات سكان المناطق العشوائية في مص اللي هما كتير قوي )
منتظر باقي المقترحات منكم بحيث نكبر الدعوة
قاطعوا DJ الشوارع Reply to Your Post
Delete Post
Post #15Rana Tawfik wroteon February 8, 2009 at 8:03pm
فعلا والله الموضوع مزعج جدا وبقى أكثر من اللازم يعني لو معملش الاغاني دي وسمع الشارع كله الناسمش حتاخد بالها من المحل مثلا وبعدين منظر ميدلش الا على تخلف Reply to Rana
Mark as Irrelevant
Report
Delete Post
Post #16
1 replyبنت مصر wroteon February 8, 2009 at 8:18pm
يمكن لو الحكومه تخصص اماكن للناس عشان يعملو افراحهم فيها الناس تبطل تعمل افراح في الشارع
بحيث ان الاماكن دي تكون بايعار رخيصه وكمان تكون واسعه لان في ناس مبتحبش النوادي عشان بيحددو عدد معين من المعازيم
اما بقي بالنسبه للي بيعمل دي جي لافتتاح المحلات وغيره فدي بقي لازم الحكومه متديش تصريح
لازم يكون في تفاعل بين الحكومه وبيناReply to بنت
Mark as Irrelevant
Report
Delete Post
Post #17You replied to بنت's poston February 10, 2009 at 10:22am
كلام جميل والله يا بنت مصر
بس لازم الناس برده تاخد بالها من بعضها وتراعي مشاعر بعض
للاسف الشرطة والحكومة عندنا مشغلوين في حجات تانية كتير اهم (بالنسبة ليهم)
يعني يامنوا موكب الريس ب 50 الف عسكري
يعني يامنوا مظاهرات علي باب نقابة الصحفيين او المحاميين (يحضرها 50 متظاهر بالكتير نصفهم وسائل اعلام) والامن اللي بيحرسهم 10 الف عسكري
تامين استاد القاهرة في مبارة بين اي فريقين بقوات اكثر من المشجعين
لازم احنا ندور علي حل لمشاكلنا بعيد عن مشاكلهم
ربنا يكون في عونهم Reply to Your Post
Delete Post
Post #18
1 replyبنت مصر wroteon February 10, 2009 at 9:30pm
اكيد لازم نراعي بعض
لكن الحكومه عماله تتنازل واحده واحده عن واجباتها
مش المفروض اننا هنعمل كل حاجه لوحدنا
لان كل مجتمع هتلاقي فيه ناس مبيهمهاش حاجه والناس دي متوقفهاش غير الحكومه عن طريق القانون
لكن ع رايك الحاجات دي متشغلش بال الحكومه لكن اللي يتظاهر ع حاجه من حقه هو ده اللي لازم القانون ياخد مجراه معاه او اللي يكتب كلمه كده ولا كده ...... ربنا يجعل كلامنا خفيف عليهم
لكن انت قلت كلمه عجبتني اوي
دي بلدي ..مين غيري هيغيرها
انا بس بقول ياريت مصر تبقي تسامحنا ع الحاله اللي احنا وصلناها ليها لانها بجد ما تستاهلش مننا كدهReply to بنت
Mark as Irrelevant
Report
Delete Post
Post #19
1 replyHaytham Hazaa wroteon February 10, 2009 at 11:52pm
المفروض الحكومة تعمل لنا اماكن واسعة و رخيصة نقعد احنا فيها لما الدي جي يشتغل في الشوارع
زي اللمبي كده بعد الحادثة قال انا اللي اثرت على الحادثة و عملتلي دماغ و دماغ جامدة كمان
شوية جد ...بلاش تحبطو يا جماعة من الحاجات الصغيرة دي..الناس شوية بشوية بتتحضر و بتتعلم الصح حتى لو الموضوع اخد وقت
احنا علشان عايشين في القاهرة احنا وكام و عشرين مليون لازم تبقى كده
لكن الغردقة و شرم و العريش و حتى مدن الصعيد مافيهاش الدوشة بتاعتنا دي
اللي راح نييورك عارف انها زحمة و في ناس بتمسح ازاز العربيات في الاشارة و كمان عربيات كبدة ( او ..سدق) ...بجد Reply to Haytham
Mark as Irrelevant
Report
Delete Post
Post #20You replied to بنت's poston February 11, 2009 at 2:11pm
شكر يا بنت مصر
بس مقولة " دي بلدي ..مين غيري هيغيرها "
ديه مقولة سمبا في الملك الاسد لازم برده الفضل يرجع لاصحابه
يعني لو فعلا 5% من الناس اللي في مصر صدقوا المقولة ديه وابتدوا فعلا ييشتغلوا بجد وبهمه علشان يغيروا البلد انا مؤمن تمام ان وضعنا هيتغير خلال 10 سنين وهنكون في مصاف الدول المحترمة . Reply to Your Post
Delete Post
Post #21
1 replyبنت مصر wroteon February 11, 2009 at 2:39pm
ههههههههههه
ماشي شكرا لسمبا
انا كان قصدي اشكرك ع الاستعانه بيها
وان شاء الله نكون من ال5%دولReply to بنت
Mark as Irrelevant
Report
Delete Post
Post #22
1 replyبنت مصر replied to Haytham's poston February 11, 2009 at 2:46pm
مفيش احباط ولا حاجه بالعكس احنا بنكتب اقتراحات يعني عندنا امل ان السلبيات دي تتغير ونكون احسن ان شلء الله
بالنسبه بقي ان نيويورك كمان زحمه وفيها سلبيات ....مش معني كده ان احنا نرضي بالسلبيات دي ونقول الحمد لله احنا مش لوحدنا لان الحاجات الصغيره لما سبناها هتكبر وتعمل مشاكل اجتماعيه كبيره واعتقد احنا مش ناقصين
مش كده ولا اييييييييييييه؟؟؟؟Reply to بنت
Mark as Irrelevant
Report
Delete Post
Post #23You replied to بنت's poston February 11, 2009 at 2:48pm
يا رب يا بنت مصر Reply to Your Post
Delete Post
Post #24Haytham Hazaa replied to بنت's poston February 11, 2009 at 2:56pm
معاكي حق 100 في 100
انا اللي كنت اقصده مش ان احنا نرضا بقليلنا ...انما منفتكرش ان مفيش امل لا طبعا فيه امل و امل كبير ان شاء الله
ربنا يوفقنا جميعاReply to Haytham
Mark as Irrelevant
Report
Delete Post
Post #25بنت مصر wroteon February 11, 2009 at 4:27pm
حلو اوي كده كلنا اتفقنا
كل واحد يبدأ بنفسه وبالناس اللي حواليه وان شاء الله الدايره توسع وتكون الصوره احسن في المستقبلReply to بنت
Mark as Irrelevant
Report
Delete Post
Post #26
1 replyMagda Ahmed wroteon February 12, 2009 at 7:50pm
بارك الله فيكم .. انا باعانى من الدى جيه وعلى فكرة انا باكتب هذا الكلام وفيه افتتاح محل فى الشارع الخلفى لنا .. والغريب انهم يبدأوا بالقرآن واسماء الله الحسنى وبعد لحظة يقلبوا على الناحية الثانية .. وحقيقى لو كل واحد يبدأ بنفسه تبقى الدنيا زى الفل ...ربنا يهدى الجميع
Post a Comment